لوکل بس

               
   لوکل بس

بس میں لٹک رہا تھا کوئی ، ہار کی طرح
کوئی پڑا تھا ، سایہ دیوار کی طرح

سہما ہوا تھا کوئی ، گنہگار کی طرح
کوئی پھنسا تھا ، مُرغ گرفتار کی طرح

          

              محروم ہو گیا تھا کوئی ، ایک پاؤں سے

            جوتا بدل گیا تھا کسی کا ، کھڑاؤں سے

گاڑی میں ایک شور تھا ، کنڈکڑ آگے چل
کَہ دے خدا کے واسطے ، ہاں ٹھیک ہے ڈبل

کب  تک  کھڑا  رہے گا  سرِچارہ  عمل
لڑنے کی آرزو ہے تو باہر ذرا نکل

            تجھ پر خدا کی مار ہو ، اسٹارٹ کر دے بس
                دو پسے اور لے لے  جو دولت کی ہے ہوس

کنڈکڑ اب یہ کہتا تھا ، وہ بس چلاۓ کیوں
جو بس میں آ گیا ہے ، کرے ہاے ہاے کیوں

جس کو ہو جاں عزیز ، مری بس میں آۓ کیوں
ایسے ہی گل بدن تھے تو پیسے بچاۓ کیوں

         ٹھانی ہے دل میں ، اب نہ دبیں گے کسی سے ہم
        تنگ آ گۓ  ہیں ، روز  کی  کنڈکڑی  سے ہم